To get beta health condition, sleep na one sure thing, wey you no suppose miss.
for you to dey strong kampe, Sleep na one sure thing, wey you need, to take get better health condition.
Yes, even as you dey try to mek sure say, food enter your table, one thing wey go mek you live long, na the amount of sleep wey you dey take, as he go mek you strong, and you go get yourself wella, cause all your body, go function wella.
.
As he be, Your body need better sleep, to function well. so as to forget every every, wey dey mek you worry.
without this better sleep, you fit suffer from both health, and mental problem.
And things fit happen to you like:
1. You go open door to many many, sickness.
2. You go dey weak.
3. You no go fit focus.
4. You go fit dey make, mumu mumu decision.
5. You fit faint for road, when the matter don serious.
6. You fit even get accident for road.
Beta sleep, nayim sure pass baba ijebu,
Normal normal, you go need like say, 8-9 hours of sleep, as adult for every night.
But many people no dey sleep reach this number, but if you fit try reach this number of sleep, for every night, your body go strong gidigba, as you go wake up early, your body go fresh, your eye no go red, and no go swell up.
You won sleep wella? oya arrange yourself and your bed, so your sleep no go only good, e go soft join.
Ok check out the ways wey you fit hammer beta sleep.
1. E no dey easy, for some people, but if you off light, and you make your room quiet, you go enjoy your sleep.
2. Make sure say, your room cool, make the room no dey hot, as na so your sleep go take cool.
3. You don hear of waterbed, nayim some people dey call, confirm jolly bed. If you no get one, try make sure say, you buy bed, or you arrange correct pillow, before you nak sleep put.
4. Dirty bad o, as e go make you no dey comfortable at all, and e go dey scratch you for body, so make sure say, your bed sheet, and pillow dey clean, soft and cool.
5. No try am say, you add TV, for your bedroom, as e go disturb your sleep well well.
So to sleep well, abeg leave your TV, and your computer, with your phone, for parlor, may you go room, go hammer correct sleep.
Try to take sleep, as you go take food, no Skip am, no deny am, no sleep late, no let film or work stop your sleep, no even let gist spoil your sleep for you, as sleep dey very good for you, and your body.
Godsgift Ajomafuwe is an handsome young smart passionate optimistic individual, a social media Manager, a content developer, Photographer, leader who has worked and voluntered for alot of organization.he belives our life is what we make of it.
ConversionConversion EmoticonEmoticon