CSO dey ready to mobolize boys, if National Assembly no comot Ekiti state Governor Ayodele Fayose from office
The group yan this one for one press conference, inside Abuja, for on Tuesday, January, 3.
Dem shout say, the National Assembly get 14 days, to carry Fayose from office, or dem go do national protest.
Audu Joseph wey be the National Secretary for the Coalition yan say, na because of the plenty wuruwuru waka, wey the Governor, dey do inside the state, nayim mek dem want the National Assembly, to carry am from office.
Joseph still yan say, dem meet the National Assembly because the Ekiti state assembly go support Fayose, as na all of dem dey inside the wuruwuru things.
Audu Joseph say 34 Civil Organization stand for their back gidigba, and if dem no carry Fayose from office, dem go do the national protest, as all the Civil Organization dey ready to carry men do protest waka.
ConversionConversion EmoticonEmoticon