Yes o!!! Anywhere you go, no forget your Mother Land.
Una remember Sound Sultan song MotherLand. Today, kweke o go talk wetin
we think about
Sound Sultan song MotherLand.
Yes as we think for 2baba song, na so we won think for Sound Sultan song.
Anytime dey sing, sense dey come out, and we know say
sound Sultan don tey for the Music Industry and the guy still dey mek sense for
every music wey him sing.
This him song MotherLand don mek we for kweke o think out of the box,
say mek we pass the koko of wetin him dey talk.
Oya see wetin we think.
We don get plenty people wey don travel comot from naija, cause of the
problem wey we dey face.
But the koko be say, if you comot from your country no forget you
family,people wey you leave behind always remember dem
Anoda be say, you wey dey travel. The thing wey you go fine for anoda
country, dey your country but na for you to think how you go take mekam for
this your country, because majority of people wey travel go Yanki, no be all of them get money. Some
dey wish say dem dey Nigeria, some na work, wey dey no fit do if dem dey naija,
nayim dem dey do.
But the main koko be say, anything you dey do, mek sure say you dey doam well. And
no forget people wey help you.
Think out of the box, mek you
mek sure say you mekam for your country.
If na travel, mek sure say you bring better come back, anywhere your leg carry you go, you go still enter your mama
land cause no place, like home.
Na wetin we for kweke o, think about
this song…
Godsgift Ajomafuwe is an handsome young smart passionate optimistic individual, a social media Manager, a content developer, Photographer, leader who has worked and voluntered for alot of organization.he belives our life is what we make of it.
ConversionConversion EmoticonEmoticon