"Bring suya, bring suya, na cow
body dey suffer am". Oya read weti we yarn ontop this Suya Proverb.
Yes o Kweke o don come with this our Ogboge proverb wey we believe say you go learn plenty things
inside. Cause, everybody for this life even the most richest man need to think
or get advice from anybody before im carry out wetin im get for mind. much less
us wey we still dey mek end meet. But the koko be say na wetin you use wetin
you learn do, nayim matter either good or bad.
Yes "Bring suya, bring suya, na cow body dey suffer am"
if you check this proverb for English he mean "Every action has a
consequence"
Now wetin you dey do? mek i ask that question first. Sometimes we
country people go think say the thing wey we dey do now no get consequence.
I hear wen won small boy dey say, im won become presido of Naija, one
man say im see imself for White House, another say, next year if im no get
money, mek im die..
Yes everybody get im own dream but na how you take make plan to achieve
that dream nayim matter. Sometimes some people fit even mek plan, na to carry
out the plan nayim be their problem. But know say anything you do today get
consequences.
You won be president? abi Minister? You won drive that car? abi you won
enter Big House?. Na wetin you do today nayim go talk whether he go come to
pass.
Some of us fit say we no get money, or my papa no send me go school. My
bro OYO be your name.
If you really mean wetin you want, nothing for this life go stop you
even if na juju, provided you know wetin you want and you dey work hard to gettam.
Some don work tire, but dem no dey get anything. My brother change the
way you dey do things, maybe you no dey do am wella. But always remember to put
baba God for everything wey you dey do.
God stand for our back gidigba, bad time or Good time.
But na only people wey know God well dey makam ooo.
Your action today nayim go speak for tomorrow. as we puttam "Bring
suya, bring suya, na cow body dey suffer am"
Godsgift Ajomafuwe is an handsome young smart passionate optimistic individual, a social media Manager, a content developer, Photographer, leader who has worked and voluntered for alot of organization.he belives our life is what we make of it.
ConversionConversion EmoticonEmoticon